கட்சியின் நோக்கங்கள்
- ஒடுக்கப்பட்ட, பிற்படுத்தப்பட்ட மக்களின் மறுக்கப்பட்ட உரிமைகளுக்காக அவர்களுக்கு தேவையான பொருளாதார சமூக நீதி சார்ந்த அரசியல் செயல்பாடுகளை முன்னெடுப்பது.
- அடிப்படை உரிமைகள் மறுக்கப்பட்ட சமூகங்களுக்காக நமது அரசியல் அமைப்பு சட்டம் மற்றும் சமுதாய வரலாறு காட்டிய நெறி வழியில் அறம் சார்ந்து போராடி உரிமைகளை பெற்று தருவது.
- நான்கு விதமான புரட்சிகளை முன்னெடுப்பது. கல்வி புரட்சி, வெண்மை புரட்சி, பசுமை புரட்சி மற்றும் தொழில் புரட்சி என இந்த நான்கு புரட்சிளையும் ஒரு சேர முன்னெடுத்து இந்த நாட்டில் மறுமலர்ச்சியை ஏற்படுத்துவது.
- சமூக நீதியை சமூக அறமாக பின்பற்ற தேவையான சமூக பொருளாதார அரசியல் சார்ந்த அனைத்து முன்னெடுப்புகளையும் முனைப்புடன் செயல்படுத்துவது.
- தமிழின மேம்பாட்டுக்காக உலக அரசியலில் பங்கெடுக்கும் தமிழர்களோடு சேர்ந்து தேவையான முன்னெடுப்புகளை செய்வது.
இந்த கட்சிக்கான தேவை
- தமிழின மக்கள் முன்னேற்றத்திற்காக மாற்று அரசியலை முன்னெடுப்பது.
- தமிழகத்தில் அதிக மக்கள் தொகை உள்ள இனங்களை ஒருங்கிணைப்பது.
- அனைத்து சமூகத்தினருக்கும் அடிப்படை உரிமைகளை பெற்று தருவது.
- அனைத்து குடிமக்களுக்கும் அரசியல் அங்கீகாரங்களை பெற்றுத் தருவது.
- பல்வேறு பெயர்களில் இயங்கும் அனைத்து சமூக குழுக்களை ஒருங்கிணைப்பது.
- அனைத்து சமூக மக்களின் பொது நலம் சார்ந்த அறக்கட்டளைகளை ஒருங்கிணைத்து அவற்றை ஒரு குடையின் கீழ் கொண்டு நிர்வாகிக்க தனி வாரியங்கள் அமைப்பது.
கட்சியின் தோற்றமும், பரவலும்
- திரு. சி. என். இராமமூர்த்தி அவர்கள் துவங்கிய அனைத்திந்திய பாட்டாளி முன்னேற்றக்கட்சி 19 ஏப்ரல் 2016-ல் தேர்தல் ஆணையத்தால் அங்கீகரிக்கப்பட்டது.
- கட்சி மாநிலம் முழுவதும் பரவி வளர்ந்துள்ளது.
- கட்சியின் தலைமையிடம் சென்னையில் அமைந்திருக்கிறது. கட்சிக்காக தலைவர், பொதுச் செயலாளர், பொருளாளர், துணைத் தலைவர் மற்றும் மாவட்ட மண்டல பொறுப்பாளர்கள் இயங்கி வருகிறார்கள்.
