பெண்கள் மற்றும் குழந்தைகளுக்கான நலன்
- கடந்த சில காலங்களில் பெண்களின் பொருளாதாரம் உயர்ந்து வந்திருக்கிறது. இருந்த பொழுதும் பெண்கள் மற்றும் குழந்தைகளின் பாதுகாப்பு மற்றும் உரிமை சார்ந்த பிரச்சனைகள் அதிகமாகிக் கொண்டே வருகின்றன. பெண்கள் மற்றும் குழந்தைகளின் பாதுகாப்பை உறுதி செய்து, அவர்களுக்கு தேவையான அனைத்து பொருளாதார சமூக அரண்களை பலப்படுத்துவோம் என உறுதியளிக்கிறோம்.
- குழந்தை தடை தொழிலாளர்களை பயன்படுத்துவது செய்யப்பட்டிருந்தாலும் குழந்தை தொழிலாளர்களை பயன்படுத்தும் முறை மாறாமல் உள்ளது. எங்கள் கட்சி குழந்தைகளின் உரிமைகளை நிலைநாட்டி அவர்களுக்கு தேவையான அனைத்து பாதுகாப்பு முன்னெடுப்பு மற்றும் அனைத்து உதவிகளையும் செய்ய உறுதியளிக்கிறது.
- ஒவ்வொரு மாவட்டத்திலும் மகளிர் சுய உதவி குழுக்களுக்கான பல்பொருள் அங்காடிகளை ஏற்படுத்துவோம்.
சுகாதாரம் மற்றும் மருத்துவம்
- நாட்டின் ஒவ்வொரு குடிமகனும் மருத்துவ காப்புரிமையை இலவசமாக பெறுவதற்கும் அவற்றை நியாய விலை கடைகள் மூலமாக பெறுவதற்கும் முயற்சி செய்வோம்.
- அரசு வழங்கும் அனைத்து மருத்துவ வசதிகளையும், மருத்துவமனைகளையும் ஒவ்வொரு குடிமகனும் தடையின்றி, ஊழலின்றி பெற உறுதி செய்வோம்.
- முதியோர் நலனில் மிகுந்த அக்கறை அக்கறை கொண்டு அவர்களுக்கு தேவையான உதவி செய்யும் மாணவ அமைப்புகளை உருவாக்குவோம்.
- அரசு செலவில் ஒவ்வொரு ஊராட்சி மற்றும் நகராட்சியில் மேம்படுத்தப்பட்ட இலவச மருத்துவ பரிசோதனை நிலையங்களை உருவாக்குவோம்.
- அனைத்து குடிமக்களும் குறைந்த விலையில் மருந்து, மாத்திரைகள் பெற்றுக் கொள்வதற்கு அரசு திட்டங்களை செயல்படுத்த உறுதி செய்வோம்.
இளைஞர்கள் மற்றும் வேலைவாய்ப்பு
- இன்றைய இளைஞர்களின் மிகப்பெரிய சவால் நல்ல வேலைவாய்ப்புகளை பெறுவது. எங்கள் கட்சி நம் இளைஞர்களின் வேலைவாய்ப்பினை உறுதி செய்ய அனைத்து முயற்சிகளையும் செய்யும்.
- நகர வேலைவாய்ப்புகளை கிராமங்களுக்கு கொண்டு சென்று கிராமம் மற்றும் பிற்படுத்தப்பட்ட இளைஞர்கள் வேலைவாய்ப்பை பெற முயற்சி எடுப்போம்.
- இணையம் மூலமாக அனைத்து இளைஞர்களும் ஆங்கில பேச்சுப் புலமை மற்றும் வேலை வாய்ப்பு பயிற்சி இலவசமாக பெற உறுதியளிக்கிறோம்.
- எங்கள் கட்சி அனைத்து இளைஞர்களுக்கும் குறைந்த செலவில் உயர் படிப்பு பெற உறுதி செய்யும்.
- ஒவ்வொரு நகராட்சியிலும் இளைஞர்கள் தொழில் முனைவோர் அரசு முதலீடு கொடுக்கும் ஆர்வத்தை பன்படுத்திக் கொள்ள திட்டத்தினை அறிமுகப்படுத்துவோம்.
விவசாய வளர்ச்சி
- எங்கள் கட்சி பெரும்பாலும் உழைக்கும் வர்க்கத்தினரையும், விவசாயிகளையும் கொண்ட கட்சி.
- விவசாயிகள் அனைத்துப் பணிகளையும் தொழில் நுட்ப உதவியோடு செய்து கொள்ள முயற்சி எடுப்போம்.
- வாரவிடுமுறை மற்றும் தொலைதூர விவசாய தொழில் முனைவோருக்கு தேவையான அனைத்து உதவிகளையும் செய்வோம்.
- இயற்கை விவசாயம் மூலமாக பாரம்பரிய ரகங்களை மீட்டு உருவாக்கம் செய்து வாடிக்கையாளர்களுக்கு கிடைக்கச் செய்வோம்.
- சூழலியல் மாற்றம் காரணமாக ஏற்படும் தாக்கங்களிலிருந்து விவசாயிகள் தங்களை காத்துக் கொள்ள தேவையான உதவிகளை செய்வோம்.
- கிராமங்களில் இயற்கை உரம் மற்றும் இயற்கை பூச்சிக் கொல்லிகளை தொழில் ரீதியாக உற்பத்தி செய்ய இளைஞர்களையும், சுய உதவி குழுக்களையும் மற்றும் சிறு, குறு முனைவோரையும் ஊக்குவிப்போம்.
தொழில் நுட்ப வளர்ச்சி
- ஒவ்வொரு குடிமகனுக்கும் அரசு சார்ந்த இணைய வழி சேவை கிடைக்க எங்கள் கட்சி பாடுபடும்.
- குடியுரிமை சார்ந்த அனைத்து சேவைகளும் இணையம் மூலமாக குக்கிராமங்களுக்கு கூட கிடைப்பதற்கு முயற்சிகள் செய்யப்படும்.
- தனிமனித வாழ்வு சூழ்நிலையில் இணையவழி பயன்பாட்டை ஊக்குவிக்கும் அனைத்து முயற்சிகளும் செய்யப்படும்.
- இணையவழியில் தொழில் செய்யவும் வேலைவாய்ப்புகளை பெறவும் தகவல் பரிமாற்றங்களை செய்து கொள்ளவும் பாதுகாப்பு சுகாதாரம் சார்ந்த பயிற்சிகளை அளிக்கவும் முயற்சிகள் செய்யப்படும்.
- தொழில் நுட்பம் சார்ந்த பயிற்சிகளை இளைஞர்கள் தங்கள் கல்வி நிலையங்களில் மற்றும் கிராமங்களில் பெறுவதற்காக தனியாக தொழில் நுட்ப பயிற்சி நிலையங்கள் அமைக்கப்படும்.
ஊரக வளர்ச்சி
- எங்கள் கட்சி தொழில் ஊரக வளர்ச்சி சார்ந்த அனைத்து முன்னெடுப்புகளையும் அரசின் மூலமாக செயல்படுத்தும்.
- கிராம அளவில் தேவையான அடிப்படை கட்டமைப்புகளை எல்லா கிராமங்களிலும் ஏற்படுத்தும்.
- ஒவ்வொரு கிராமத்திலும் ஒரு சமுதாய வானொலி நிலையம் உருவாக்கப்படும்.
- அனைத்து கிராமங்களிலும் இணைய தொடர்பு ஏற்படுத்தப்பட்டு அதன்மூலமாக அனைத்து இணையம் சார்ந்த சேவைகளையும் கிடைக்கச் செய்வோம்.
- விவசாயத்தை அடிப்படையாக கொண்ட ஒவ்வொரு கிராமத்திலும் குளிர்பதனக்கூடம் அரசு சார்பில் ஏற்படுத்தப்படும். வாய்ப்புள்ள இடங்களில் இளைஞர்கள் மற்றும் சுய உதவி குழுக்களும் இது சார்ந்த தொழில் வாய்ப்புகளை பெற உதவி செய்வோம்.
- நமது விவசாயிகளுக்கு சீன முறையிலான இரட்டை வருமானம் தரக்கூடிய வழிமுறைகளை கற்றுத்தர முயற்சி எடுப்போம்.
- நகர, ஊரக மற்றும் கிராம அளவில் சிந்தனையாளர் பேரவைகளை உருவாக்கி அதன் மூலமாக குடிமகன்கள் பங்கேற்கும் வளர்ச்சிக் குழுக்களை ஏற்படுத்துவோம்.
பள்ளிக் கல்வி
- மாநிலம் முழுவதும் சமச்சீர் கல்வியை பின்பற்ற அரசினை நிர்பந்திப்போம்.
- மாணவர்களுக்கு தேவையான நீட் பயிற்சியினை இலவசமாக அனைத்து மாணவர்களுக்கும் தொடர்ந்து கிடைக்க செய்வோம்.
- இணையவழி இலவச நீட் பயிற்சி வழிமுறையை உருவாக்குவோம்.
- அனைத்துப் பள்ளிகளிலும் முக்கியமாக பெண்கள் படிக்கும் பள்ளிகளில் மனநல ஆலோசகர் இடம் பெறுவதை உறுதி செய்வோம்.
- மதிய சத்துணவு திட்டங்களில் இன்னும் மேம்படுத்தப்பட்ட தரத்தோடு அனைத்து மாணவர்களுக்கும் உணவு கிடைக்க தனியார் உதவி பெற முயற்சி எடுக்கப்படும். மதிய சத்துணவோடு இயற்கை சார்ந்த கூடுதல் சத்தான உணவு வகைகளும் வழங்கப்படும்.
- மாணவர்களுக்கு பலவித கைத்தொழில்களை பள்ளிகளில் பயிற்சி அளிக்க முயற்சி எடுக்கப்படும்.
- அனைத்து அரசுப் பள்ளிகளிலும் ஆங்கில பேச்சு மொழி பயிற்சி வழங்கப்படும்.
- ஒவ்வொரு பள்ளிகளிலும் இணையம் தொடர்பு ஏற்படுத்தி மாணவர்கள் பயன்பாட்டிற்கு கணினிகள் கொடுக்கப்படும்.
கலை மற்றும் கலாச்சார வளர்ச்சி
- எங்கள் கட்சி பாரம்பரிய மற்றும் நிகழ்கால கலை வடிவங்களுக்கு தேவையான அனைத்து முன்னுரிமைகளையும் அளித்து அவை வளர்வதற்கான முயற்சி எடுப்போம்.
- தமிழர் தம் பாரம்பரிய கலாச்சார கலைவடிவங்களை உலகெங்கும் எடுத்துச் செல்ல தனி வாரியம் அமைக்கப்படும்.
- அரசோடு இணைந்து தமிழர் பாரம்பரிய கலைகளை இளைஞர்களுக்கு கற்பிப்பதற்காக கூத்து பட்டறை போன்ற அமைப்புகளை மண்டல அளவில் மாநில அளவில் ஏற்படுத்துவோம்.
- தமிழ் கலைஞர்களுக்கான ஆண்டுத் திருவிழாவை ஒரு வாரம் நிகழ்வாக கொண்டாட முயற்சி எடுப்போம்.
மீன் மற்றும் கடல் சார்ந்த வளர்ச்சி திட்டங்கள்
- மீனவர்களின் உரிமையை பாதுகாக்க அனைத்து முயற்சிகளையும் அரசு எடுக்க வேண்டுமென்று வலியுறுத்துவோம்.
- இந்தியா சுதந்திரம் பெற்றதில் இருந்து மீனவர்களின் வாழ்க்கை தரம் உயராமல் அப்படியே இருந்து வருகிறது. அவர்களுடைய சமூக பொருளாதார அரசியல் வாழ்க்கை முன்னேற்றம் கொண்டு வருவதற்கு அனைத்து முயற்சிகளையும் மேற்கொள்வோம்.
- சிறந்த தொழில் நுட்பங்களை கொண்டு மீனவர் பணிகளையும் வாழ்க்கைத் தரத்தையும் உயர்த்துவதற்கு தேவையான அனைத்து முயற்சிகளையும் செய்ய அரசை வலியுறுத்துவோம்.
- இணையவழி மூலமாக மீனவர்கள் தங்கள் வியாபாரத்தை மேம்படுத்த தேவையான வளர்ச்சித் திட்டங்களை முன்னெடுப்போம்.
- ஒருங்கிணைக்கப்பட்ட ஒழுங்குபடுத்தப்பட்ட விற்பனை நிலையங்களை மீனவர்களுக்காக மாநிலமெங்கும் ஏற்படுத்தி தர அரசை வலியுறுத்துவோம்.
- ஒவ்வொரு மீனவர் குப்பத்திலும் ஒரு குளிர்பதன கிடங்கை ஏற்படுத்த அரசை நிர்பந்திப்போம்.
- கடல் சார்ந்த விவசாயத்தை மேம்படுத்த திட்டங்களை வகுத்து செயல்படுத்துவோம்.