எங்கள் கட்சியின் இத்தனை கால சமுதாய தேர்தல் அனுபவங்களில் தமிழகத்தின் ஒவ்வொரு குடிமகனுக்கும் நலம் பெயர்க்கும் கொள்கைகள், கோரிக்கைகள் திட்டங்களை முன்னிறுத்தியுள்ளோம். இன்றைய எங்களது அரசியல் வளர்ச்சி பின்னணியோடு இந்த 2021 மாநில தேர்தலில் ஒரு வெற்றி பெறும் கூட்டணியோடு எங்கள் கொள்கைகள் மாறாமல் பயணித்து அமையவிருக்கும் அரசாட்சியில் எங்கள் பங்களிப்பை செலுத்துவோம். தேர்தலுக்கு பின் வரும் 5 ஆண்டுகளில் எங்கள் கோரிக்கைகளை வலியுறுத்தி செல்படுத்துவோம் என்று உறுதியளிக்கிறோம்.

எங்கள் கட்சி உள்நாட்டு பாதுகாப்பு அமைதி சூழல் ஆகியவற்றிற்க்கு முழு முக்கியத்துவம் கொடுக்கின்றோம். எங்கள் கொள்கைகள் செயல்பாடுகள் அனைத்தும் உள்நாட்டு அமைதி மற்றும் சமாதானத்தை நோக்கியே அமைந்திருக்கும். எங்கள் கட்சி முன்னணி நிர்வாகிகள் அனைவரும் சமூக, மத, இன நல்லிணக்கத்தை பேணி அனைவரும் அமைதியாக வாழ உறுதி பூண்டுள்ளார்கள். நமது அரசியல் அமைப்பு சட்டத்தின் முக்கிய கோட்பாடான சமூக, மத, இன வேறுபாடு இல்லாத ஒரு முற்போக்கான சமூகத்திற்காக பாடு படுவோம் என்று உறுதியளிக்கிறோம்.

எங்கள் கட்சி நமது சமூகத்தில் அடிப்படை கோட்பாடான பெண்களுக்கான மரியாதையையும் பாதுகாப்பையும் முதன்மையாக மதிக்கிறது. இந்த தேர்தல் அறிக்கையானது பெண்கள் மற்றும் குழந்தைகளின் பாதுகாப்பு சுயமதிப்பீடு மற்றும் அவர்களுக்கான கௌரவத்தை போற்றுகின்ற வகையிலே தயாரிக்கப்பட்டது.

தமிழரின் வாழ்க்கை தரத்தையும் முன்னிறுத்துகிது! தமிழகம் ஒரு மாநிலமாக, இந்த உலகமே போற்றும் அளவில் கடந்த ஆண்டுகளில் வளர்ச்சி கண்டுள்ளது. எங்களுடைய நோக்கம் அந்த வளர்ச்சியினை பன்மடங்காக்கி மாறும் சூழ்நிலைக்கேற்ப தங்களை தகவமைத்துக்கொள்ளக் கூடிய ஒரு சமூகமாகவும், வாழ்க்கை தரம் உயர்த்த ஒரு சமூகமாக திகழவேண்டும் என்பதற்காகவும் இந்த தேர்தல் அறிக்கை உருவாக்கப்பட்டுள்ளது.

தமிழகத்தின் சமூக பரப்பு பன்முனை கொண்டது. இந்த நாள் வரை தமிழகம் வளர்ந்து கொண்டிருக்கிறது, மேம்பட்ட சமூகமாக திகழ்ந்து கொண்டிருக்கிறது. இதுகாறும் இருந்த ஆட்சியாளர்கள் குறுகிய கால தேவைகளை முன்னிறுத்தி வளர்ச்சித் திட்டங்களை செயல் படுத்தினர். எங்கள் கட்சி நீண்ட கால கண்ணோட்டத்தோடு பல தலைமுறைகளையும் உள்ளடக்கி வளர்ச்சிப் பணிகளை செய்ய முன்னெடுக்கிறோம்.

ஒரு அரசியல் கட்சியாக பூமி தாயின் நலம் சார்ந்து இயங்கிக் கொண்டிருக்கிறோம். எவ்வளவு முடியுமோ அவ்வளவு சுற்று சூழலியல் சார்ந்து பணிகளை ஆற்றி வருகிறோம். எங்கள் கோரிக்கைகள் யாவும் சூழலியல் பாதுகாப்பை முன்னிறுத்தி அமைந்திருக்கிறது என்று உறுதியளிக்கிறோம்.

இந்த நிகழ் உலகம் பாதுகாப்பற்ற, உறுதியில்லாத, குழப்பமான மற்றும் ஒற்றுமையில்லாத உலகமாக மாறிக்கொண்டிருக்கிறது... இங்கே வாழ்வும், வாழ்க்கைத்தரமும் மிக வேகமாக மாறி வந்து கொண்டே இருக்கிறது. இந்த தேர்தல் அறிக்கை இந்த மாறி வரும் சூழலுக்கேற்ப தன்னை தகவமைத்துக் கொள்ளும் வகையில் தயாரிக்கப்பட்டுள்ளது.